PENSAMENTO SOCIOLÓXICO
Coñecedes o concepto de "policrise"?
Que relación existe entre a crise ecolóxica, o aumento das desigualdades, a expansión das dereitas autoritarias e o debilitamento das democracias?
A socióloga arxentina Maristella Svampa propón pensar as múltiples crises que atravesan as sociedades contemporáneas a través da noción de policrise.
Investigadora do CONICET e profesora da Universidade Nacional de La Plata, Svampa é unha das voces máis destacadas da socioloxía latinoamericana contemporánea. A súa obra analiza as transformacións do capitalismo, os conflitos socioambientais, o neoextractivismo e as tensións entre os modelos de desenvolvemento e as demandas de xustiza social e ecolóxica.
Nesta entrevista, dispoñible na nosa canle de YouTube, a autora reflexiona sobre a dimensión multidimensional da crise actual e sobre os desafíos políticos e sociais que suscita.
... Ver másVer menos